Actualidade: Habilitación e limpeza das mámoas de A Armada, Mondariz

O concello de Mondariz toma unha boa iniciativa de conservar seu patrimonio limpando e habilitando as mámoas de A Armada, no parque de Carballo da Armada, cercans o campo de fútbol entre Mondariz e Queimadelos. Primeiro imos especificar que é unha mámoa para os que lles soe pero descoñezan o orixe destes monumentos funerarios Prehistoricos.

Mámoa: como bem dixen arriba as mámoas som monumentos funerarios Prehistoricos do Neolítico, esta cultura funeraria estendeuse por toda Europa coñecendose como o "Megalismo", tendo gran auxe na Galiza entre o 4.500 a.C e o 2.000 a.C. Hai varios tipos de manifestacións deste tipo, estan as "mámoas ou túmolos" que som as que se atopan enterradas pero sobresaltando o terreo e os "dolmens ou antas", que quedan coa estructura petrea o aire libre.
Nestes munumentos enterraron os antigos poboadores destas terras, os cales eran nómades e vivián en clans pouco númerosos. Nom se conservan restos humanos pola acidez do noso solo, pero si materias personais dos individuos enterrados.
Sinonimos ou toponimias que refirense a restos de mámoas ou dolmens som medela, madroa, mouro, pedra dos mouros...

Com esta habilitación das mámoas da A Armada o concello de Mondariz amplia súa rede de conservación do seu patrimonio máis antigo. A estas hai que engadir as xa conservadas de Gargamala, que se encontran nos redores do seu pastizal e onde se conservan tamén estacións de petroglifos tamén Neolíticos.

Como chegar: Chegar a este recinto arqueoloxico e moi doado, estando unha vez en Mondariz pobo coller a carretera que vai a Queimadelos e Meirol, pasando polo campo de futbol. Unha vez pasado o campo de futbol a uns 300 m a altura do parque de Carballo da A Armada as mámoas atopanse no lado dereito da carretera. No lugar hai carteis informativos do recinto.